ASF vanga sum hloh cheng vbc. 960 tling tawh

Zonuna Kawlni /

AH&Vety Department changtu Minister C. Lalsawivunga'n African Swine Fever (ASF) avanga vawk thi vangin Mizoram sawrkar sum hloh zat chu cheng vbc. 960 a tling tih a sawi.

    Nimin-a Assembly thutkhawm zawhna leh chhanna hunah AH&Vety Minister chuan dan angin ASF vanga vawk suat chauhin zangnadawmna an dawn theih avangin Chief Minister hmalakna zarah kum 2024 atangin Mizoram-ah ASF chu khuarel chhiatna puan niin, SDRF kaihhruaina siam angin ASF vanga vawk thi pakhat ah ralna Rs. 4000 zel pek a nih thu a sawi a, ASF avanga Mizoram sawrkar sum hloh zat chu cheng vbc. 960 a tling tih a sawi. Minister chuan kum 2021 atanga kum 2026 thlengin Mizoram-ah ASF vangin vawk 71,912 a thi a, chung zinga 52,979 chu a suat a ni tih sawiin, chhungkaw 8,966 in a tuar a, sawrkar laipui leh State sawrkarin zangnadawmna a zatve a in tum semin cheng nuai 3011.26 pekchhuah a nih thu leh ASF chu Vaccine siamchhuah ala nih loh thu te a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »