Aizawl-ah ‘Bharat Rang Mahotsav 2026’ hman a ni

Theatre hmanga hnam ziarang leh lemchan phochhuahna, ‘25th Bharat Rang Mahotsav 2026’ chu nimin khan Aizawl-a Vanapa Hall-ah neih a ni a, he hunah hian lemchan chi hrang hrangte entir a ni.

Bharat Rang Mahotsav hi khawvela Theatre Festival lian ber niin National School of Drama, New Delhi leh Art & Culture Department, Govt. of Mizoram tangkawpin nimin-a an huaihawt hi Art & Culture Director Carol VLMS. Dawngkimi chuan khuallian niin a hmanpui a, Institute of Music & Fine Arts (IMFA) hnuaiah Drama, Hnam lam, leh Music zirna te tih changtlun zel chu Art & Culture Department chuan a tum thu sawiin, mi tam takin an hman tangkai tawh thu a sawi a. Heng zirna te hi mi tam zawkin an lo hriata an lo tangkai pui zel thu a beisei thu leh School zirlaite pawh an tuina a nih phawt chuan zir ve turin a sawm bawk a ni.

‘25th Bharat Rang Mahotsav 2026’ hi January ni 28, 2026 khan Delhi-ah neih tan a ni a. India ram hmun hrang hrangah hman tura kalpui chhoh zel niin Union Territory leh State zawng zawng ah hman a ni dawn a. Ram pawnah pawh neih tura ruahman a niin Continent panga (5) ah hman tura ruahman a ni. Bharat Rang Mahotsav hi khawvela Theatre Festival lian ber niin National School of Drama chuan hemi kaltlang hian Theatre Culture chawisan hi a tum a ni.

Aizawl-a nimin-a hun hman ah hian National School of Drama chuan MacBeth William Shakespeare-a ziah ‘Flesh’ chu an entir a. Mizoram atangin Chawngmawii leh Hrangchhuana tih MS Ralte, Drama Instructor, IMFA Script ziah chu entir a ni bawk. He hunah hian Sikulpui School zirlai leh zirtirtute bakah Institute of Music & Fine Arts (IMFA) hnuaia zirchhuak te telin National School of Drama-a Dean, Shantanu Bose chuan thu a sawi bawk a ni.