Thla thar February 2-ah Sawhthing lei tan leh dawn

Zonuna Kawlni /

Nimin khan Kolasib-ah District Agriculture Marketing Committee (DAMC) chu thukhawmin kumin 2026-a Kuthnathawktu te tharchhuah Hmunphiah leh Sawhthing lei dan tur leh hemi atana ruahmanna te an thlirho.

He huna tarlan a nih danin sawrkar ruahmanna angin kumin February ni 2 atanga May ni 30 thleng Kolasib District-ah Sawhthing leh Hmunphiah lei a ni dawn a, Primary Society member te tharchhuah chauh leh SCC-a an lak theih hun chhunga hralh te chauh sawrkarin Price support a pek tur thu tarlan a ni a. Hmunphiah ro chu Grade thliar lovin Kg khat Rs. 80/- in ZOHANDCO in an lei tur thu leh hmundanga hralh duh zawk an awm pawhin kuthnathawktu ten an duh duhna hmunah an hralh theih tur thu tarlan a ni bawk.

Kolasib District-ah hian nikum 2025 khan sawrkarin Kuthnathawktute Buhhum thar-chhuah quintal 1472 a lei thu leh kumin ah pawh Buhhum Quintal 350 an lei leh tawh thu tarlan a ni a, tunkar ah pawh Buhhum lei hi an chhunzawm leh tur thu tarlan a ni bawk a. Tun tumah hian Sawrkar ruahman angin Mizoram hmun hrang hranga kuthnathawktu a duh apiang ten Agriculture Department hriatpuina in an buh thar te an hralh thei dawn a, tun thla atan January 14 leh 15 bakah January 28 leh 29-ah te buhhum hi hralh tura ruahman a ni.

Mizoram sawrkar in loneitute Buh thar leisak hi nikum khan Pilot Project atan Mizoram Agriculture Marketing Board (MAMB) kaltlangin Kolasib District leh Mamit District-a kuthnathawktu Buh thar chu Pangbalkawn-a OM OM Rice Mill-ah lei sak a ni a, kumin ah pawh Buhhum lei hi kalpui lehin December 18, 2025 atang khan OM OM Rice Mill-ah hian MMAMB kaltlangin kg khatah Rs. 30/- in lei sak leh a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »