Sawrkar in Chhiah cheng vbc. 941.13 hmu tawh

Mizoram sawrkara Taxation Department chuan sawrkar sum kum kal mekah kum kalta 2025 April thla atanga December thla thleng khan chhiah cheng vbc. 941.13 an hmu a; chhiah hmuh tam berna Goods & Services Tax (GST) atangin cheng vbc. 689.55 hmuh a ni.

Taxation Department chhinchhiah danin, sawkar sum kum kal mek 2025-26 ah hian thla 9, kum kalta April atanga December thla chhung khan kawng hrang hrang atangin sawrkarin Chhiah cheng vbc. 941.13 an hmu a; sawrkar sum kum kal meka chhiah hmuh zat hian sawrkar sum kum liamta (2024-25)-a chhiah hmuh zat chu cheng vbc. 208.68-in a la pha lo a, hetihrual hian sawrkar sum kum kal mekah hian thla 3 ala awm a ni.

Sawrkar sum kum kal meka chhiah hmuh tam berna GST atangin sawrkar chuan Chhiah cheng vbc. 689.55 a hmu tawh a; Sales Tax atanga hmuh cheng vbc. 170.84-in a dawt a, Profession Tax atangin cheng vbc. 13.81, Entertainment Tax atangin Rs 50,000 leh Chhiah hmuhna dang atangin Rs. 93,160 hmuh a ni. Heng bakah hian Mizoram sawrkarin Petrol leh Diesel atanga chhiah a lakna, Road Maintenance Cess leh Social Infrastructure & Services Cess atangin kum liamta April - December 2025 chhung khan cheng vbc. 33. 43 ve ve hmuh a ni bawk.