Hnahsin Kut buatsaih zel dan tur sawihona nei

Zonuna Kawlni /

Tourism Minister Lalnghinglova Hmar chuan nimimn zing khan Champhai Circuit House-ah Champhai Nature Conservancy (CNC) te kawmin Hnahsin Kut buatsaih tura sawrkar leh CNC thawhho dan tur an sawiho a. Tourism Minister chuan Hnahsin Kut buatsaihtu Champhai Nature Conservancy leh an thawhpuite chu Mizorama Kut lian ber te zinga mi an buatsaih theih avanga lawmthu hrilhin, hetih rual hian tun aia lian leh huapzau zawka kalpui theih a nih thu a sawi a. Chumi tur chuan Kohhran leh khawtlang hruaitute nen inlungrual taka kalkawp a ngaih thu a sawi bawk. He hunah hian Champhai Nature Conservancy President Dr. Sammy Laldinthara pawhin sawrkar, a bikin Tourism Minister leh Tourism Department-te phurpuina leh an puihbawmna avangin lawmthu a sawi a. Hnahsin Kut chu ‘Event-Based Festival’ ni lova Hnahsin leh Champhai District mawina behchhan zawk turin herrem theih a nih thu a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »