Vawk thi zangnadawmna pe

Lunglei-a AH & Vety Deparment chuan kum 2024 chhunga Vawk pul hri, African Swine Fever (ASF) avanga Vawk thite zangnadawmna Rs. 47,52,000/- chu ASF tuartu chhungkaw 599 te hnenah an pechhuak a. Lunglei District-a Vawk thi 1,188 tana pekchhuah niin thawh (instalment) 3-a pekchhuah a ni a; a hnuhnung ber hi a dawngtu turte Bank Account-ah December ni 2, 2025 khan thun fel a ni. African Swine Fever hi Mizo-ram State Disaster Management Authority chuan kum 2024 chhung atan State Specific Disaster ah puangin kum 2024 chhunga ASF avanga Vawk thite hi State Disaster Response Fund (SDRF) atangin chhawmdawlna pek theih a ni a. Chhawmdawlna hi Vawk thi pakhat tan Rs. 4,000/- zel pek theih niin chhungkaw pakhatin Vawk thi 6 thlengin an dawng thei a ni.