Cold Storage for Potato Seeds

Agriculture & Farmers Welfare Minister PC. Vanlalruata chuan nimin khan Thingdawl Agriculture Farm-ah RIDF - XXVII leh NABARD sum cheng nuai 258.88 senga siam 'Solar Powered Cold Storage for Potato Seeds' chu a hawng a, he Cold Storage hi Uttar Pradesh-a Inficold India Pvt. Ltd te sak niin Metric Tonne 100 leng a ni a, Cold Room pathum awmin, a khawl chawm tur Solar Plate 117 bun a ni a, hei hian kawlpetha KiloWatt 63.7 pechhuak thei tura duan a ni a, kawlpetha awm lo palh pawha hman theih tur kilo-volt-ampere 35 pechhuak thei Generator dah a ni bawk. 

Nimin-a 'Solar Powered Cold Storage for Potato Seeds' hawnna ah hian Minister chuan hmasawnna hnathawh hrang hrangte chu tunlai thiamna nen a thlunzawm a nih loh chuan hma-sawnna tluantling a thleng thei lo tih sawiin, Agriculture leh a kaihhnawihah sawrkarin ko a thlak mek thu leh hei hian kuthnathawktu te sum lakluh a tihpun tur thu a sawi a, chu chuan kan ram sum leh pai ruhrel indinna leh chawikangtu tur a nih thu a sawi bawk.