Rev. C. Rosiama Honorary Doctor of Divinity hlan

Mizoram Presbyterian Kohhran-a Pastor pension leh Synod Moderator hlui Rev. C. Rosiama chu Serampore College-in Honorary Doctor of Divinity a hlan.

Rev. C. Rosiama hian Mizoram Presbyterian Kohhran hnuaiah kum 32 chhung Pastor hna a thawk a. Pastor Bial vawngtu a nih bakah Synod leh Presbyterian Church of India General Assembly thlengin rawngbawlna pawimawh tak tak a chelh tawh a, Synod Moderator leh Senior Executive Secretary bakah Mizoram Synod hnuaiah Puipa nihna a chelh kim vek tawh bawk a. Aizawl Theological College (ATC)-ah Acting Principal a ni tawh bawk a ni.

Rev. C. Rosiama hi Christian Counselling lama Master of Theology hmasa ber a ni a. Mizoram Synod in a din Family Guidance & Counselling Centre (FG&CC) bul tantu a ni a, he Centre hi amahin kum 3 chhung a enkawl a ni. Rev. C. Rosiama hi Bible Society of India-ah ram puma Vice President pathumna chanvo pawh alo chelh tawh a. Bible lehlin bikah tunah hian BSI Aizawl Auxiliary-ah CL-Revision-ah Chief Translator a ni mek bawk a ni.