Mizoram State University Dan siamthat a ni dawn

Lunglei-a Mizoram State University awm tura tih anih angin Dan thenkhat siamrem ngai chu Assembly Session lo awm leh hmasa bera pharh tura hmalak a ni.

Chief Minister Lalduhoma hova Mizoram State University chungchang sawihona nimin-a CM Conference Hall-a neih ah State University chungchangah Dan thenkhat siamrem ngai chu Assembly Session lo awm leh hmasa bera pharh tura tan lak nise tih a ni a, HPC Vice Chairman V. Malsawmtluanga chuan a hmunhma thlithlai tawh chin report a pe bawk. He thutkhawmah hian H&TE Minister Dr. Vanlalthlana leh Lunglei MLA bakah sawrkar mi pawimawhte an tel a ni.

November ni 20 khan Chief Minister Lalduhoma chuan Lunglei High Powered Committee (HPC) thukhawm a hmanpuina ah Lunglei a Mizoram State University dah anih tur thu hi alo sawi tawh a, Assembly Session-a an pass hnuah Dan ang thlapin kalpui a ni dawn tih sawiin, kum 10 chhungin tihfel an tum dawn thu leh University a thawk tur Post 71 siamin post 21 fill-up phalna pek a nin tawh thu a sawi a ni.