Minister in ‘Consumer-te Zin Kawng’ a tlangzarh

Food, Civil Supplies & Consumer Affairs Department changtu Minister B. Lalchhanzova chuan nimin khan ‘Consumer-te Zin Kawng’ tih lehkhabu Lallunghnema ziak chu Aizawl Press Club-ah a tlangzarh.

Lehkhabu tlangzarhna hunah hian Minister B. Lalchhanzova chuan lehkhabu ziaktu Lallunghnema inpekna leh hnathawhte chu ropui a tih thu sawiin, Consumer-te dikna chanvo humhalhna kawnga tanrual a tul thu a sawi a. Consumer-te hamthatna tura sawrkar hmalakna chi hrang hrang a tarlang bawk. Minister chuan ‘Consumer-te Zin Kawng’ lehkhabu chu mipuiin an hlut a tul thu leh Consumer Rights chungchanga hriatna zau zawk petu a nih a beisei thu a sawi bawk a. Mipui chanpual pekchhuahna kawnga mipui, sawrkar leh NGO-te thawhhona tha a pawimawh thu a sawi bawk.

Nimin-a lehkhabu tlangzarhna hun hi Centre for Consumer Education Vice Chairman Lalsangpuia chuan kaihruaiin Treasurer Dr. K. Lalnghinglova chuan lehkhabu thlirlawkna hun a hmang a ni.