Kendriya Grihmantri Damshata Padak 2025 dawngtu lawmpui

Mamit SP Manny Bhushan Singh IPS chuan ‘Kendriya Grihmantri Damshata Padak 2025’ dawngtu SI Samuel Lalramenkima, Mamit DEF chu nimin khan Ministry of Home Affairs in Lawmpuina lehkha (Appreciation letter) a pek chu a hlan.

    Kendriya Grihmantri Damshata Padak Award dawng tur hi Ministry of Home Affairs-in kumtin Oct. 31, Sardar Vallabhai Patel piancham ah a puang thin a. Police Forces, Security Organization, Intelligence Wing/Branch/Special Branch of State/UT/Central Police Organizations/Central Armed Police Forces (CAPFs) leh Forensic Science (Central/State/UT) hnuaia hnathawk thate hnenah hlan thin niin February 2025-a Mamit District chhung Bungthuam khuaa inthahna thubuai rang taka chhuichhuah a nih theihnaa hmalatu Samuel Lalramenkima hnenah chawimawina hi hlan a ni a, Mamit SP chuan Samuel Lalramenkima a lawmpui thu leh Mizoram Police te pawhin he Award an dawn belh zel a beisei thu a sawi bawk.