District Jail-a tang zingah thubuai ngaihtuah lai 31 awm

Serchhip District Jail-ah nimin tlai thleng khan Jail tang mi 79 awmin an zinga 31 te chu thubuai ngaihtuah lai an ni.
    Mi 128 tan theihna Serchhip District Jail-ah hian chhinchhiahna atanga a lan danin nimin tlai thleng khan Jail tang mi 79 an awm a, an zinga 69 te chu mipa niin hmeichhia tang mi 9 an awm bakah nu te an tan avanga Jail-a awm ve naupang pakhat a awm bawk a ni. Serchhip District Jail-a tang mek zingah hian damchhung lung In tang tura chungthu rel an awm lo a, Jail tang zinga mipa 44 leh hmeichhia 3, an vaiin mi 47 te chu an thubuai-a thiamloh chantir tawh leh hremna tuar mek an ni a, an zingah hian hrehawm taka tang tura chungthu rel sak an awm lo a ni. Serchhip District Jail-a tang mek  mi 31 te chu an thubuai ngaihtuah lai mek an ni bawk a, heng zinga 25 te chu mipa niin hmeichhia 6 an awm bawk a ni.