Thenzawl-a hnathawh enfiah

Mizoram State Project Monitoring Committee (MSPMC) chuan nimin khan Thenzawl-a Working Women Hostel sak mek chu tlawhin hnathawh dan an enfiah.
Thenzawl-a Working Women Hostel sak mek endiktu MSPMC Team te hi Vice Chairman R. Lal Rinawma IRS (Rtd) chuan hovin  helai hmuna hnathawh kallai basement chhun mekah Technical thil tihthat ngai, Concrete Making, Component Meterial, Rora size leh Balu chungchang ah te siamthat ngai lai an hmuhte chu a hmunah a theih ang ang sawiho nghal a ni a. He hna thawktute chu nakin hnuah an hnathawh te sawiselna a awm lohna turin uluk lehzual an hnathawh te vil uluk turin an chah bawk.

Thenzawl-a Working Women Hostel hi SASCI 2024-2025 sum Rs. 892,12,045/- senga sak niin a sak hna thawktu hi Khiangte Construction & Consultancy Services an ni a, May ni 15 2026-a zawh hman tura ruahman a ni a. Nimin a hnathawh an enfiahna ah hian MSPMC Secretary Er. Lalthanzuala Ralte bakah Member thenkhat te an tel a, Nodal Department- Women & Child Development Department bakah PWD-a thawktute an tel bawk.