Mizoram Governor Aide-De-Camp (Military) thar lalut

Mizoram Governor, Gen. (Dr) Vijay Kumar Singh chuan Indian Air Force Officer-a Squadron Leader Dipanshu chu Governor Aide-De-Camp(Military) atan a ruat a, niminpiah khan a lakluhna chu Raj Bhavan-ah neih a ni. Mizoram Governor hian ADC pahnih neiin pakhat hi Police Service Officer atanga ruat thin niin pakhat zawk hi Military atanga ruat thin an ni a. Squadron Leader Dipanshu hi Indian Air Force (IAF) Officer kum 2018 Batch niin Military atanga Mizoram Governor Aide-De-Camp (ADC) 17-na a ni. Squadron Leader Dipanshu hian Service record tha tak tak a lo nei tawh thin a, tuna ADC hna a chelh hma hian Air Force Stations Awantipur, Yelahanka leh Ambala-ah te a lo post tawh thin a. India rama hmeichhe ADC hmasa ber Squadron Leader Manisha Padhi a thlak a ni.