State Level Children's Science Congress neih a ni

State Level Children's Science Congress vawi 33-na chu nimin khan Aizawl-a Directorate of School Education Conference Hall-ah neih tan a ni a, vawiin hian chhunzawma zawhfel tur a ni ang.

Science Teachers Association Mizoram (STAM) leh Samagra Shiksha, Mizoram State buatsaih State Level Children's Science Congress-ah hian Mizoram-a District 11 atangin Child Scientist ten an thil zirbing Science Project 47 hmangin intihsiakna an nei a, thupui atan ‘Science for Sustainable Development and Community Well-being’ tih hmangin Guide Teacher te kaihhruaina in Child Scientist ten Project tha tak tak an nei a ni.

State Level Children's Science Congress vawi 33-na hian Child Scientist Mipa 36 leh Hmeichhia 54, an vaiin mi 90 an tel a, heng zirlaite hian Project 47 entirin Project entir hi Aizawl District atanga tam berin Project 16 entir a ni a, Khawzawl District atangin Project 5 entir a nih bakah Champhai leh Saitual District atangin Project 4 ve ve, Lunglei, Lawngtlai, Kolasib leh Serchhip District atangin Project pathum theuh leh Siaha, Mamit leh Hnahthial District atangin Project pahnih theuh entir a ni bawk.