Sports Minister in Thenzawl a phullem phahna tur a tlawh

Thenzawl-a Lothazawl Football Ground-ah Artificial Football Turf phah a ni dawn a, Inrinni khan Sports & Youth Services Department Minister Lalnghinglova chuan he Football Ground hi a tlawh.
Lothazawl Football Ground a tlawhna ah hian Sports Minister chuan Thenzawl chu Mizo-ram khaw laili leh pan nuam, mipui thahnem tak pawh punkhawm theihna tur a nih thu sawin, Lothazawl Field-a Artificial Turf phah tur pawh inkhel pawimawh tak tak thleng thei ngei turin uluk tak leh a len zawngah pawh International Match khelh theihna tling ngeia phah a nih tur thu a sawi a. Sawrkarin Thenzawl mai bakah Serchhip District hmasawnna’n theihtawp a chhuah tih sawiin, NESIDS-OTRI atanga Serchhip-a Multipurpose Indoor Hall sakna tur DPR submit a nih tawh thu leh hei pawh hi hmuh thuai beisei a nih thu a sawi bawk.

Lothazawl Football Ground, Thenzawl-a Artificial Turf phah tur hi PMJVK Scheme hnuaiah thawh tur niin cheng vbc. 11.85 chu sanction a ni tawh a. Tunah hian tihfel ngaite tihfel thawkhat tawh niin, Tender chhuah thuai turin chak taka hma lak mek a ni.

Sports Minister in Football Ground a tlawhna ah hian Thenzawl Zone Football Association (TZFA) aiawh leh khawtlang hruaitute’n an tawiawm a ni.