Raltlan za zela 56.49 biometric enrolment ti tawh

Mizoram-a awm mek Myanmar atanga raltlan rawn lut te Mit naute leh kutze thla lak hna kal zelah raltlan awm zawng zawng zatve aia tam chhinchhiah an ni tawh.

Home Department hotute hnen atanga thudawn danin kumin July thla tawp lam atanga Mizoram-a Biometric Enrolment kalpui ah Zirtawpni thleng khan raltlan awm mek 31,621 zinga 17,864 te Mit-naute leh kutze thla la a chhinchhiah an ni tawh a. Hei hi raltlan awm zat atanga chhutin za zela 56.49 a tling tawh a ni. Harsatna chi hrang hrang, Internet tha lo leh Biometric Enrolment lakkhawmna hmanrua a harsatna a awm chungin he hna hi kalpui chhoh zel a ni a. He hna thawh zawh hun atan hian hun bi tiam a awm chiah lo niin Home Department hotute chuan an sawi a ni.

Mizoram-a Myanmar raltlan awm zat hi a pangngai reng lova, a changin an tam a, a changin an tlem a. Hei hi chhan chu lo luh belh an awm chang a awm a, an ram-a kir leh emaw, Mizoram pawn lama chhuak emaw an awm reng vang a nih thu an sawi bawk.