Serchhip khawpui cheina VC te hnenah hlan a ni

Serchhip District Beautification Project kalpui meka hnathawh zawh tawh thenkhat chu nimin khan VC te hnenah enkawl zui tura hlan a ni.
    Serchhip District Beautification Project kalpui mek hi zawhfel a ni dawn hnai ta a, nimin khan Serchhip Bawrhsap Paul L. Khuma chuan VC thenkhat te leh Officer te chu a Office Chamber-ah kokhawmin Beautification Project hnuaia hmalakna te enkawl chhunzawm zel dan tur ‘Operation & Maintenance’ chu a awmna VC te hnenah hlan niin hming an ziak a, a enkawl zui hna chu VC te hian an thawk chhunzawm dawn a ni. Nimin a Project hlan tak zingah hian Public Art/Mural, Pastor Chhawna Lim, Roadside Tree Plantation, Palm Plantation, Flowerpot at Hand railing, Fountain, Waiting Shed, Park, Facade Lighting, Hawker dawr te leh Public Water Point te a tel a, Minor Signage pawh hlan tura sawiho niin hei erawh hi chu la inhlan a ni lo thung a ni.