Serchhip IOC Veng-a Roman Catholic Biak In thar hawng

Serchhip IOC Veng-a Roman Catholic Koh-hran, All Saints Church ten an Biak In an sak thar chu Inrinni khan Mizoram-a an Kohhran hotu lu ber Most. Rev Stephen Rotluanga CSC. D.D Bishop of Aizawl chuan a hawng.
Biak In thar hawnna hi chawhma dar 10:30-ah neih niin Mass Thianghlim hlanna leh malsawmna hun hman a ni a. Chawhnu lamah All Saints School Hall-ah Biak In thar lawmna neih chhunzawm nin Biak in hawngtu Most. Rev Stephen Rotluanga CSC. D.D Bishop of Aizawl bakah Fr. Praveen Fernandes, Parish Priest, Our Lady Of Assumption Parish ten thu sawiin, Report ngaihthlak a ni bawk.

All Saints Church te hian an Biak In hlui chu May 3, 2023 khan thiatin a hmun te an laih hnuah Dec. 2, 2023 khan Biak In thar sak hna hi an thawk tan a, Biak In sakna atan hian thawktu an rawih bakah hnatlang tha 740 zet sengin Rs. 41,58,169/- an seng a ni.