Serchhip-ah Scouts & Guides ten Faina Hnatlang an nei
He hnatlangpui hi Serchhip Indoor Stadium tual zawl-ah a hawnna neiin Bharat Scouts & Guides Serchhip District President leh Bawrhsap Paul L. Khuma chuan a hawng a, Faina chu mahni-ah a intan tur a nih thu sawiin, faina pawimawhzia Scouts & Guides ten a taka an nunpui theih nan a fuih a. Anmahni atanga intanin, an chhungkua ah te, an thiante zingah leh an School kalpui te zingah faina leh thianghlimna zirtirtu ni turin a sawm a ni.
He hunah hian Nasha Mukt Bharat Abhiyan (Drug Free India) Campaign neih nghal a ni bawk a. Serchhip Bawrhsap chuan ruihhlo tichhin ve ngai reng reng lo turin Scouts & Guides kalkhawmte chu intiam turin a sawm a, an damchhung zawnga vawng nung reng turin a chah bawk.
Scouts & Guides kalkhawm te hi hmun li (4)-ah inthen darhin Serchhip khawpui kawtthler lun laia bawlhhlawh te an chharkhawm a. An bawlhhlawh chharkhawmte hi UD&PA Department bawlhhlawh paih motor-in a thiarkhawm nghal a. Hnatlang tih tawp nan Serchhip Traffic Point bulah kalkhawm leh niin naupangte chuan damdawi hmansual that lohzia puanchhuahna hun an hmang a. District Vice President leh Serchhip District Education Officer JR Lalhruaitluanga chuan fuihna thu a sawi a ni.
Comments
Post a Comment
I ngaihdan i sawi hian mipui ngaihdan i tarlang a ni!