PWD Minister in Aizawl khawpui chhung kawng siam a enfiah

PWD Minister Vanlalhlana chuan nizan hmasa khan Aizawl khawpui chhung kawngpui siam that hna thawh tan chu a hmunah enfiahin kawng tha neih chu sawrkar duhdan a nih thu leh uluk takin kawng siam endik a ni dawn tih a sawi a. ZPM in inthlan dawna an Manifesto anga an hmalakna kal zelah Aizawl khawpui chhung kawngpui tha tak siam tum a nih thu sawiin, October ni 30-ah bul an tan chat ang tia an lo sawi angin hna an tan tih sawiin, sawrkar hotute bakah Local Council te, NGO te pawh telin kawng chhah lam te, Temperature dik tak a ni em tih leh a quality te pawh engtik lai pawhin uluk takin an endik dawn tih a sawi. PWD Minister chuan kawng tha neih theih nan tunhma ang lo deuh hlekin kalpui a ngai dawn tih sawiin, a quality-ah mipui an duhkhirh dawn tih thawktute pawh a hriattir a, lung pawh a chang tha deuh hmang turin a hriattir a, mipuite pawh kawng siam chhunga harsatna an tawk a nih pawhin lo dawh hram hram turin a chah bawk.