DIET Hostel thar hawng

Zonuna Kawlni (LENKAWL) • November 1, 2025 • Comments • Mizoram

School Education Department Minister Dr. Vanlalthlana chuan nimin khan Kolasib-ah District Institute of Education and Training (DIET) Hostel thar a hawng a, he Hostel hi PAB Approval 2019-20 atanga hmuh niin Rs. 221,46,637.50 senga sak a ni a, RCC Framed Building niin kumin May 30 khan sak zawh a ni. DIET Hostel thar hawnna hunah hian Education Minister chuan DIET-a zirlaite chu nakin lawka Zirtirtu la ni tur an nih avangin Zirtirtu hna zahawm tak thawk tura an inbuatsaih laiin rilru paukhauh leh inpekna tak tak an neih a pawimawh thu a sawi a ni. Dr. Vanlalthlana hian nimin vek khan Kolasib-a Govt. Diakkawn High School-ah 'Meet Your Minister' programme hmangin zirlaite a kawm a, he hunah hian Govt. Diakkawn High School bakah Govt. Kolasib High School atangin zirlai naupangte an tel a ni.