Nov. 13-15 ah Leitlangpui Music Festival 2025

November 13-15, 2025 chhung khian ‘Leitlangpui Music Festival 2025’ chu Pukpui Kawmzawl-ah buatsaih leh tura ruahman a ni.

Leitlangpui Music Festival (LMF) 2025 Working Committee chu niminpiah khan an Chairman leh Lunglei Bawrhsap Navneet Mann-i hovin Lunglei DC Conference Hall-ah thukhawmin Leitlangpui Music Festival 2025 hi Nov. ni 13-15, 2025 (Ningani - Inrinni) chhungin Pukpui Kawm-zawl-ah buatsaih tura ruahman a ni a. Zai, lam, hnam thil leh kut themthiam thil phochhuahna, thuam leh ei leh in chi hrang hrang zawrhna leh intihhlimna chi hrang hrangte buatsaih leh tura ruahman a ni a. Hemi atana inbuatsaihna hrang hrangte chu he thutkhawm ah hian thlirho a ni bawk.

Leitlangpui Music Festival hawnna hi November ni 13, 2025 tlai dar 3:00-ah Health & Family Welfare Minister Lalrinpuii hova hman tura ruahman a ni a. Kut chhung hian a hmunah hian ZOHANDCO Exhibition kalpui tum a ni bawk a. Kut ni hnih ni, November ni 14-ah Leitlangpui Music Festival puala Leitlangpui Band Contest 2025-a Top 10 chin inelna leh Final buatsaih a ni dawn a. Top 3 chin hi December ni 12 - 20, 2025 chhunga Aizawl-a Winter Festival buatsaih turah an inlan nghal ang.