Mitdel Pathian rawngbawltu lar Evan. Zadawla vuiliam a ni

Mitdel chunga Pathian rawngbawlna langsar Evan. Zadawla chu nizan hmasa khan Durtlang a Synod Hospital-ah a boral a, kum 89-a upa a ni.

Evan Zadawla hi kum 1936 khan Farkawn khua ah piangin, piantirh atanga mitdel a ni a, kum 1955-ah Pathian thu hrila chhuak tanin Mizoram chhung leh pawn-ah vawi tam tak Pathian thu hrila chhuak tawhin kum 60 chhung rawngbawl hna a thawk hman a ni. Kumin January thla atang khan Kal lam thatlohna avangin damdawi In-ah enkawl a ni a, hemi hnu pawh hian hmun hrang hrangah rawng-bawla chhuak zelin tun thla ni 8 khan damdawi In ah dahluh leh a ni a, hemi tum hian Semi-Stroke a nei tih hmuhchhuah ni bawkin nizan hmasa dar 11:00 khan a boral zui ta a ni. A ruang hi a chenna Aizawl Saron Veng-ah lak niin nimin khan vuiliam a ni.

Evan. Zadawla hian a rawngbawlna avang hian chawimawina hrang hrang a lo dawng tawh a, Curson Theological College & Seminer-in Bachelor of Ministry in Degree an hlan bakah Throne of Grace Theological Seminary & Ministries chuan Doctor of Ministry nihna an hlan tawh bawk a ni.