Aizawl-ah kumin chhungin lirthei man an tam tawh

Aizawl Traffic Police te chuan kumin (2025) chhung hian October thla thleng khan dan zawm lo lirthei 7864 an man tawh a, heng mite pawisa chawi tlingkhawm chu Rs. 69,95,900/- a tling tawh bawk a ni. Aizawl Traffic Police ten dan zawm lo an man zingah hian Motor dah phal lohna hmuna dah vanga man tam berin, No Entry-a tlan luih avanga man chu pahnihna a ni a, tlan loh zawnga tlan (Wrong Side) chu pathumna a nih bakah Traffic tibuai zawnga lirthei dah chu palina an ni a, Driving License neih loh vanga lirthei khalh man chu pawisa chawitir tam zingah an tel bawk. Aizawl Traffic Police SP C. Vanlalvena chuan heng an mi man pawisa chawitir te hi E-Challan hmang veka chawitir an nih thu a sawi bawk.