MCC bawhchhia a puh Chief Minister insawifiahna pawm sak lo

Zonuna Kawlni /

Dampa Bial by-election lo awm tura Vote an zawnna a Chief Minister Lalduhoma’n inthlanna dan (Election Model Code of Conduct) bawhchhia a puhna hmasa zawka a insawifiahna chu Election Commission of India in a pawmsak lo.

Chief Electoral Officer (CEO) pisa atanga All India Radio thudawn danin Election Commission hian Chief Minister-in West Phaileng leh Reiek-a a campaign-na a a thusawi, cheng vbc. 770 senga khaw 15 chawm tur tuikhuah a tiam ni a sawi chungchanga insawifiah tura tihna chu ZPM President-in a chhang a. Hei hi zirchian a nih hnuah Election Comission thutlukna siam turin thawn thlak a ni a. Election Commission chuan ZPM President sawifiahna chu hnawlin Lalduhoma'n inthlan campaign-na a a thusawi chu a dem thu a tarlang bawk a. ZPM Party President chu an Star Campaigner zawng zawng an thusawi fimkhur tawh tur leh Model Code of Conduct bawhchhe tawh lo tura hriattir vek turin a zilhhau a. Hremna lam erawh ECI hian a sawi lo a ni.

Hetihlai hian MNF Party Legal Board-in CEO hnena an thu thehluh, Chief Minister Lalduhoma'n November ni 1-a Silsury khua vantlang inkhawm a chi leh chi inhuatna lam zawng a sawi nia an puhna leh anni lam insawifiahna chu nimin khan ECI hnenah CEO Pisa chuan a thawn thla dawn nia hriat a ni a. Inrinni chawhnu lam khan an insawifiahna hi CEO Pisa hian a dawng ni-a thudawn a ni. MNF Legal Board chuan Silsury khua-ah hian Chief Minister hian ram hruaitu hmasate chu Mizote leh Chakma-te inhuatna tur tuhtu-ah a puh niin an sawi a. MNF chu a hmingah Mizo hnam tan chauh a nih thu leh Chakma tana din a nih ve loh thu bakah ZPM chu Zoram a cheng zawng zawng huap a nih thu a sawi niin an puh bawk a ni. 

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »