Lunglei-a MZSU dah tumna sawifiah turin phut

Congress party chuan nimin khan Aizawl-a Congress Bhavan-ah Political Session neiin MPCC General Secretary PC. Laltlansanga chuan Assembly House-a Aizawl-a Mizoram State University dah tura ZPM sawrkarin a passed hnuah Lunglei mipuiin Demand Committee te dina Lunglei-a dah tura an nawr hnuah an nawr chhuak ta chu chhim Bial mipuite an lawmpui thu a sawi a. “Tuna Mizoram State University (MZSU) Lunglei a dah tur nia puan hi Assembly a passed a la ni lo a. MZSU Act Amendment siam a la ni lo a. Lunglei mipui bum nan ZPM hian MZSU Administrative Block chauh dah an tum nge, Academic Block dah tel an tum tih Zoram mipui hnenah sawifiah rawh se,” tiin Congress sawrkar in MZU Southern Campus leh Mizoram Engineering College din tura hma a lo lak tawh dawn te a tarlang bawk.