Larsap leh IIMC Vice Chancellor te an inkawm

Mizoram-a cham mek IIMC Vice Chancellor Dr. Pragya Paliwal Gaur chuan nimin khan Mizoram Larsap Gen. VK Singh chu Raj Bhavan-ah kawmin IIMC Aizawl dinhmun a sawipui a, IIMC Vice Chancellor chuan tun dinhmunah IIMC-ah hian Master Degree zir theiha hmalak a nih tawh thu te, PhD Scholar nei thei tura hmachhawp a awm thu te a sawi a, IIMC chu tualchhung zirlaiten tun ai nasa zawkin chhawr tangkai a duh thu leh hemi kaltlang hian Mizoram chuan Media lamah hmasawnna a hmuh theih ngei a beisei thu a sawi a. Larsap pawhin IIMC tih-hmasawn nan a theih chin chin ah hmalakpui a inhuam tih a sawi bawk. He hunah hian Prof. Shashwati Goswami Regional Director IIMC Aizawl Campus chuan Vice Chancellor hi a tawiawm a ni.