Khawvel Sunday School Ni urhsun taka hman a ni
Presbyterian Kohhran chuan chawhma leh chawhnu Inkhawm-ah he ni pual hian hun hmangin Puitling lamah ‘Fanau Enkawl’ tih thupui zirhoin Intermediate Department atanga Senior Department-in ‘Tleirawl te leh Social Media’ tih an zir a; Beginner Department atanga Junior Department-in ‘Thuawihna’ tih an zir bawk a, he Ni puala Thawhlawm an lakkhawm te pawh Bial kaltlangin Synod Office-ah thehluh a ni bawk a ni.
Baptist Church of Mizoram (BCM) chuan ‘Pathianthu I zir ang u’ tih chu kumin-a Khawvel Sunday School Ni-ah hian thupui atan hmangin Kohhran tinah Pathianni zing inkhawm-ah thupui thlansa hmang hian hun an hmang a.
Sunday School hmasa ber chu kum 1780 July thlaah khà n Scotland ram Gloucester khua ah neih tan a ni a, a dinchhuaktu chu Robert Raikes niin thilsiamna hmuna thawk naupangte, ziah leh chhiar thiam lo, inkhawm ngai miah lo te chu hruai khawmin Pathian thu a zirtir thin a. India ramah July 9, 1803 atangin Missionary William Carey-a leh a thiante (Serampore Trio) hmalakna in Sunday School neih tan a ni bawk a. Mizoram-ah chuan kum 1896-ah Sap Upa leh Pu Buanga te’n Aizawl-ah an rawn din ve leh a. Kum 1944 atangin Khawvel Sunday School Ni hi hman tan ni thungin kum 1949 atangin November Pathianni hmasa berah thupui nei hian hman thin a ni.
Comments
Post a Comment
I ngaihdan i sawi hian mipui ngaihdan i tarlang a ni!