Khawhar Zai Intihsiak ah Vengchung Br. thiam ber

Zonuna Kawlni /

Serchhip Sub-Hqrs. YMA buatsaih 'Branch YMA Khawhar Zai Intihsiakna' neih zawh takah Serchhip Vengchung Branch YMA chu pakhatna an ni.
 Serchhip Sub-Hqrs. YMA in ZD. Sang-lura leh Saimawii Sailo te hriatrengna puala Branch YMA te puala Khawhar zai intihsiakna an buat-saih hi Zirtawpni zan khan Sub-Hqrs. YMA Hall, Serchhip-ah chhunzawm leh niin a titha zual thlan-chhuah Branch pathum ten hla pahnih hmangin intihsiakna an nei leh a, a pumpui-ah Serchhip Vengchung Branch YMA chu pakhatna niin Rs. 40,000/- bakah thuziak an dawng a, Serchhip Kawnpui North Branch YMA chu pahnihna niin Rs. 25,000/- leh thuziak an dawn bakah pathumna Serchhip Hmar Veng Branch YMA chuan Rs. 15,000/- leh thuziak an dawng bawk a ni.

Mimal lawmman siam ah Hla hril thiam ber lawmman chu R. Lalnundiki (S. Chhim Veng Branch) in dawngin Khuangpu tha ber lawmman chu H. Ngurthansiama (New Serchhip North Branch) in a dawng a, Branch YMA Member zat atanga chhuta tel tam ber lawmman chu Serchhip Saron Branch in dawngin Member zat atanga chhutin za zela 22.53 (22.53%) an tel a. Intihsiakna a tel kum upa ber lawmman chu kum 82-a upa C. Darkhuma (Sialsir Branch) hnenah hlan a ni. He intihsiakna a tel Branch YMA zawng zawng te hnena Thingpui in no (YMA No) hlan theuh an ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »