SEDCA ten Cricket player chawimawina an hlan

Zonuna Kawlni /

Serchhip District Cricket Association chuan ‘Women's Under-19 T-20 Trophy 2025–26 (Plate Group)’ a Champion, Mizoram Team-a tel Lalrindiki Ralte D/o R. Lalhmangaihzuala, Chanmari Veng, Serchhip chu Inrinni tlai khan chawimawina an hlan.
 SEDCA ten Lalrindiki Ralte chawimawina hun an chenna In-a an buatsaih hi an President R. Lalrinawma chuan kaihruaiin Pathian hnena lawmthu sawina hun a hmang a, SEDCA Treasurer Lal-lawmzuali chuan Mizoram Team-a Lalrindiki Ralte a tel chhoh dan leh an kal dan te sawiin, SEDCA aiawhin lawmpuina thuziak a hlan nghal a, SEDCA lo in din chhoh dan leh hma an lak dan te, Academy an din chhoh dan leh tuna an thlen chin te an Secretary Lalbiakzuala chuan a tarlang bawk a ni.

Tarlan tawh angin Women’s Under-19 T-20 Trophy 2025–26 (Plate Group) inelna hi October 26 atang khan Bharat Ratna Shri Atal Bihari Vajpayee Ekana Cricket Stadium, Lucknow (Uttar Pradesh)-ah khelh a ni a, Mizoram Team hian Final-ah Manipur Team chu run 72-a hnehin an Champion a, tun tum hi Board of Control for Cricket in India (BCCI) inelna hnuaia Mizoram in Trophy lian a lakna hmasa ber niin Mizoram Team-ah hian Lalrindiki Ralte hi a tel a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »