Champhai District-ah raltlan 13,662 an awm mek

Zonuna Kawlni /

Champhai District-ah nimin, November ni 4 thlenga chhinchhiah danin Myanmar atanga raltlan 13,662 an awm a, heng zinga mi 4,328 te chu hmeichhia an ni.

Nimin khan Champhai DC Conference Hall-ah sawrkar hotu leh pawl hrang hrang inhmukhawmin raltlan buaipui dan tur leh tanpui dan tur an sawiho a, he huna tarlan a nih danin Nov. 4, 2025 thleng khan Champhai District-ah hian Myanmar atanga raltlan mi 13,662 awmin heng zinga 4256 chu mipa puitling niin hmeichhia puitling 4328 an awm bawk a, naupang 5078 an awm bawk a ni.

Nimin-a thutkhawm ah hian Adventist Development and Relief Agency (ADRA) India Project Manager Sujan Chandra Das chuan ADRA hmalakna te tarlangin, Doctors without Borders atangin ramri-ah leh a tulna hmun hrang hrangah raltlan an enkawl dan chungchang ngaihthlak a ni bawk a. Pawl hrang hrang - ZEP (Zoram Entu Pawl), HI (Humanity and Inclusion) leh JRS (Jesuit Refugee Service) te hnathawh ngaihthlak niin, anni hian tanpuina chi hrang hrang - eitur te, zirtirna te, Health Camp te an pe thin a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »