Vanghmun-ah Cultural Meet

Mizoram sawrkar-a Art & Culture Department leh Tripura Group YMA te tangkawp buatsaihin nimin khan Vanghmun, Jampui tlang-dung-ah ‘Cultural Meet’ neih a ni a, he hun hi Art & Culture Minister C. Lalsawivunga chuan a hmanpui a ni. He Cultural Meet-ah hian heng YMA Branch : Vanghmun, Hmunpui, Vaisam, Phuldungsei, Hmawngchuan, Sabual, Bangla Zion, Behliangchhip, Tlangsang leh Tlaksih te an tel a, Mizo hnam lam chi hrang hrang entir niin zai mawi tak tak ngaihthlak a ni bawk. Tripura Group YMA huamchhungah hian YMA Branch 19 an awm a, YMA member 3000 bawr vel an awm a, Minister chuan insuikhawmna rilru pu chunga thinlunga inpumkhat zel turin a chah bawk.