Hnahthial-ah DTO Office hawngin Mz-11 tlangzarh a ni

Transport Department changtu Minister Vanlalhlana chuan nimin khan Hnahthial-a District Transport Officer (DTO) Office thar a hawng a, hemi rual hian Hnahthial District DTO Code - MZ-11 chu a tlangzarh nghal bawk.

Nimin-a Hnahthial DTO Office hawnna ah hian Transport Minister chuan Recruitment, digitization leh thil hrang hrang buaipui ngai avanga duh anga DTO Office an hawng hma thei lo ah mipuite hriatthiamna ngenin, DTO Office hawn tak hi mipui, a bikin lirthei khalhtute harsatna tam tak sukiangtu a nih a besei thu a sawi bawk.

Nimin-a Hnahthial DTO Office hawn rual a Hnahthial District DTO Code - MZ-11 tlangzarh a nih tak avang hian kum khat chhung chu motor registration DTO Code MZ-02 atanga MZ-11 a thlak duh te tan hun hawn nghal a ni a. Thlak duh tan Lunglei DTO atangin No Objection Certificate (NOC) lak tur a ni ang. Hnahthial DTO Office atan hian SDO (Civil) Office building hlui chu thuamthat a ni a, thawktu mi 9 awm tura ruahman a ni.