SICA&A leh Department ten thutkhawm an nei

Nimin khan Adviser to Chief Minister (Hand-holding) leh Special Investment Committee on Agriculture & Allied Sector (SICA&A)-a Chairman Dr. KC. Lalmalsawmzauva hovin SICA&A Member leh Department hotute chu P&PI Committee Room-ah thukhawmin September ni 20, 2025-a Mizoram Sawrkarin M/s Opickpure Organic Pvt. Ltd.-te Sawhthing sawngbawlna din tura thuthlung a ziahpui chungchanga hmalakna te, AV Biotech nena thuthlung ziah tum thlirhona leh hemi kaihhnawiha Thenzawl Special Investment Zone-a hmalakna kal mek sawiho a ni a. He thutkhawm ah hian Commerce & Industries Department atangin Khuanglenga Opickpure-te inbunna tur ram leh Thenzawl Special Investment Zone-a AV Biotech-te inbunna tur ram tihfel a nih theih nana hmabakte ngaihthlak a ni a. Meeting chuan karleh lamah Site Verification neih nise, chumi behchhana Forest Clearance dil nise an ti a. Khuangleng hmun leh Thenzawl Special Investment Zone-te chu ‘industrial area’-a puan a nih theih nana hmalak chhunzawm rawt a ni bawk.