Thenzawl South champion zo lo

Zonuna Kawlni /

GIG Motors Inter-Village Voleyball Tournament chu nizan khan khelh zawh niin Hmeichhe inelna ah Thenzawl South VC Team chu Final-ah vanduai zawkah tangin an Champion zo ta lo.

Tun thla ni 1 atanga Aizawl Mualpui Salem Veng-a khelh ‘GIG Motors Inter-Village Voleyball Tournament 2025’ ah hian nimin tlai khan Hmeichhe Final hi khelh niin Thenzawl South VC Team leh Bungkawn LC Team te an inhmachhawn a, Bungkawn VC Team te hian 3-0 in hnehna an chang a ni. Nimin tlai-a Final khelh ah hian Bungkawn LC Team te hian Set hmasa ber chu 25-16 in an la a, Set hnihna pawh Bungkawn LC te hian 25-14 a la lehin Thenzawl South VC Team ten beisei angin an khel chhuak thei meuh lo a, Set thumna pawh Bungkawn LC Team te hian 25-16 a la lehin harsa lutuk lovin hnehna an chang ta a ni.

Hmeichhe inelna ah hian Best Setter lawmman chu Melody Lallawmkimi (Thenzawl South VC) chuan dawngin Best Spiker lawmman chu Chinglunkimi (Bungkawn LC) chuan a dawng a ni.

GIG Motors Inter-Village Voleyball Tournament 2025 hi nizan khan Mipa Final khelh niin result erawh kan hre hman ta lo thung a, Final hi ITI Veng Local Council Team leh Hunthar Local Council Team ten khelin nizan hmasa a Semi Final khelh ah ITI Veng LC chuan Khawhai VC chu 3-2 (25-22, 19-25, 15-25, 25-21, 17-15) a hnehin Hunthar LC hian Nursery LC chu 3-1 (25-15, 19-25, 25-12, 25-16) a hnehin Final an lut a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »