Presbytery Inkhawmpui tan

Chhimchhak Presbytery Inkhawmpui vawi 102-na chu nizan khan Sailam Veng Kohhran Biak In, Chhiahtlang-ah neih tan a ni a, Vawiin hian Rorel Inkhawm neih a ni ang.
Mizoram-a Presbytery upa ber te zinga mi Chhimchhak Presbytery Inkhawmpui vawi 102-na ah hian nizan khan Report hrang hrang ngaihthlak a ni a, Vawiin hian zing dar 9:30 atangin Rorel Inkhawm neih tur niin an thurel tur zingah Kohhran Upa thlan dilna leh Ruihhlo do kawnga Presbyter huapa hmalak rawtna te pawh a tel a ni.

Ruahman lawk ang chuan naktuk Pa-thianni chawhma lamah Upa Nemngheh Inkhawm neiin chawhnu lamah Lalpa Zanriah Sakramen kilho a ni anga, hetah hian Upa boral te sunna hun hmangin Zan lama Pathian biak Inkhawm ah Moderator kalchhuak ten Pathian thuchah an sawi dawn bawk a ni.