STA General Assembly neiin hruaitu thlanna neih a ni

Serchhip-a zirna In hrang hranga thawktute intelkhawmna, Serchhip Teachers' Association (STA) chuan nimin khan General Assembly 2025 neiin an pawl hruaitu tur thlanna an nei.
STA General Assembly hi Sub-Hqrs. YMA, Serchhip-ah neih niin an pawl Vice President T. Lalhmingliana chuan a kaihruai a, STA President Vanlalvuana chuan Member te inlawmna leh thuchah sawiin, Secretary John Lalvenzela leh Treasurer PC. Lalramthari te hnen atangin report ngaihthlak a ni a, an Member Pensionna chhuak mi pathum - C. Lalduhthangi (Govt. New Serchhip M/S), H. Sanghmingliana (Govt. M/S Serchhip) leh Saltluanga (Govt. JM H/S Serchhip) te thlahna thilpek hlan an ni bawk.

Chawhnu lamah kum 2025-2026 chhunga STA hruaitu thlanna neih niin President-ah Vanlalvuana (Govt. P/S Vengchung); Vice President-ah David Laldintluanga (Govt. H/S Serchhip); Secretary-ah Samuel Saithuamliana (Govt. HSS Serchhip); Asst. Secretary-ah R. Lalrinawma (DIET); Treasurer-ah PC. Lalramthari (Govt. M/S New Serchhip) leh Fin. Secretary-ah Lalnunpuii Pautu (Govt. PCR H/S) te thlan an ni a. Pensioner te atangin thusawi hrang hrang ngaihthlak a ni bawk.