Chekawn YMA kum 50-na

Zonuna Kawlni /

Sub-Hqrs. YMA Serchhip huamchhunga awm Chekawn Branch YMA kum 50 tlinna (Golden Jubilee) lawmna chu nimin khan neih a ni.
 Chekawn Branch YMA Golden Jubilee hriatrengna lungphun hawnna neih a nih hnuah Jubilee lawmna atana Pandal sak ah Jubilee lawmna Inkhawm neih zui a ni a, Branch President, Lalchhanmawia chuan kaihruaiin Sub-Hqrs. YMA Vice President PC. Vanlalluna leh Tuichangral South Group YMA President B. Lalrohlua bakah VCP C. Laltlanlawma ten thu an sawi a, hruaitu hlui boral mi 9 te sunna hun leh hruaitu hlui te chawimawina hlanin Golden Jubilee Souvenir tlangzarh a ni bawk.

Chekawn Branch YMA Golden Jubilee lawmna hi October 1, 2025 zan khan neih tan niin October 2-ah infiamna chi hrang hrang hmangin intihhlimna neih leh a ni a, nimin-a a lawmna pui ber neih a nih bakah nizan lam thleng khan Jubilee lawmna hi neih zui a ni.

Chekawn Branch YMA June 1, 1975 khan din niin a tirah Member 30 an awm a, tun din-hmunah Member mipa 92 leh hmeichhia 90, an vaiin 182 an awm mek a ni. Chekawn khua ah hian tun dinhmunah chenna In 63 awmin mipa 178 leh hmeichhia 165, an vaiin 343 an awm a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »