Ni 100 inhlawhna sawiho

Rural Development & Administration Minister Prof. Lalnilawma hovin niminpiah khan a Pisa-ah Mizoram hmun hrang hranga District Rural Development Office leh Rural Development Block Office-a thawktute chuan ni 100 inhlawhna (MGNREGA) chungchangah inrawnkhawmna an nei a, he hunah hian RD Minister chuan MGNREGA sum hmanga hnathawhte chu thingtlang mipuite tana rotling leh chhenfakawm a nih theih nan RD&A Department a thawktuten ruahmanna tha zawk an neih a tul tih sawiin, hna tha taka thawh a nih theih nan tun aia nasa lehzuala inpe turin a fuih a. An hnathawh leh ruahmanna siam te chu a bikin kuthnathawktute tana malsawmna a nih theih nan theihtawp chhuah a tul thu pawh a sawi bawk a ni.