Serchhip Bial PYD kum 50 tlin lawmna neih tan a ni

Zonuna Kawlni /

United Pentecostal Church-North East India (UPC-NEI)-a Pentecostal Youth Department (PYD) Serchhip Bial kum 50 tlin lawmna chu nizan khan Serchhip Biak Inpui-ah neih tan niin Vawiin hian Golden Jubilee lawmna pui ber chu neih a ni ang.
 Serchhip Bial PYD kum 50 tlin lawmna hi nizan khan neih tan niin Bialtu Pastor, Rev. R. Laltlankima chuan Jubilee hawnna neiin Documentary tlangzarh a ni a, hemi hnu hian Tarpi Tlang-ah Jubilee Mei det zui a ni bawk. Vawiin chawhma dar 11:00 hian Jubilee lawmna pui ber neih tur a ni a, Jubilee Dar vuain Lungphun hawnna neih zui a ni anga. hemi hnu hian Inkhawm nei zuiin hruaitu hlui chawimawina neih a nih bakah tlai lamah Jubilee lawmna ruai an kilho nghal ang.

Zanin atanga naktuk Pathianni zan thleng hian Jubilee lawmna hi neih zui tur a ni anga, heng inkhawm hrang hrangah hian hruaitu hlui te bakah Bialtu Pastor leh District PYD hruaitute pawhin thu an sawi thin dawn bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »