Serchhip-ah Wildlife Week

Rampuma kumtin-a hman thin, Wildlife Week chu a vawi 71-na atan nimin khan hman leh niin Serchhip-ah pawh Brilliant Higher Secondary School-ah he Hapta hawnna hun hi hman a ni.
Serchhip-a Wildlife Week hawnna hun hi Thenzawl DFO Dr. R. Lalnungrenga chuan hmanpuiin zirlaite hnenah India ram khua leh tui kan nihna anga nungchate venhim kawnga kan mawhphurhna India Constitution in a tarlan te sawifiahin Wildlife Week hman a nih chhan te, Conservation pawimawh zia te bakah Sawrkar Department te kut chauh ni lo, khua leh tui te mawhphurhna a nih zia te a sawi bawk.

Wildlife Week hawnna pual hian Painting Competition buatsaih ni bawkin he hunah hian lawmman semna neih a ni a, nimin-a hun hman hi Brilliant HSS Principal C. Lalchunglura chuan kaihruaiin Serchhip District Honorary Wildlife Warden C. Lalhminghlua kaihhruaiin zirlai ten he Hapta pula thutiam an chham rual bawk a ni.