Serchhip-ah Dan phal loh Helmet khum mi 19 man
Serchhip District Superintendent of Police (SP) Gavit Gogna IPS chuan tunhnai khan thuchhuah siamin Dan hrang hrangin a sawi angin Two Wheeler khalhtu te’n Helmet (Protective Headgear) him leh rintlak, ISI mark chuang emaw, Bureau of Indian Standards (BSI)-in a pawm chin leh a tlukpui Helmet tha leh him chin chauh khum tur a nih thu leh Satel Helmet kan tih mai te chu Bureau of Indian Standards phal loh a nih avangin khum loh tur a nih thu a tarlang a. Hemi hnu hian thuchhuah dang siam lehin Two Wheeler khalhtuten Helmet (Protective Headgear) him leh rintlak, ISI mark chuang emaw, Bureau of Indian Standards (BSI)-in a pawm chin leh a tlukpui Helmet tha leh him chín chauh khum tur tih chu October 1, 2025 atangin Serchhip Town chhunga hman tan tur a nih thu a tarlang leh bawk a ni.
Hetianga Serchhip SP in hriattirna a tih-chhuah hnuah nimin, October 1, 2025 atang khan Serchhip Traffic Police te chuan Helmet (Protective Headgear) him leh rintlak khum lova lirthei ke hnih nei khalh te dapchhuah hna an kalpui tan a, nimin khan dan zawm lo mi 19 manin an sum chawi tlingkhawm chu Rs. 16,500/- a ni,