Serchhip District-a National Tobacco Control Program (NTCP) leh Project HIMNA-MADAT hmalakna hnuaiah nimin khan Serchhip District chhunga Higher Secondary School Zirlaite tan Zuk leh hmuam leh ruihhlo thatloh zia inzirtirna atan Quiz Competion chu BRC Hall, Serchhip-ah neih a ni a. He intihsiakna ah hian Serchhip District chhunga Higher Secomndary School 10 te telin a pumpui-ah Brilliant HSS Serchhip chu pakhatna niin lawmman ah Rs. 10,000/- leh thuziak an dawng a, St. Peters’ HSS, Chhingchhip chu pahnihna niin Rs. 7000/- leh thuziak an dawn bakah pathumna Chhiahtlang Senior Secondary School chuan thuziak leh Rs. 5000/- an dawng bawk a ni.
Nimin-a he Quiz Competition neih hi National Tobacco Control Program (NTCP)-a Nodal Officer Dr Lallawmkimi Chhakchhuak chuan a telpui a, zirlaite fuihna thu a sawi bakah lawmman te hi a hlan nghal bawk a ni.
