Zirlai ten DAO Complex tlawh

Govt. Serchhip College-a Department of Botany chuan niminpiah, September 30, 2025 khan ‘Educational Exposure Visit’ neiin Serchhip-a Agriculture Complex an tlawh a, Serchhip District Agriculture Officer (DAO) Lalchharliana leh Agricultural Technology Management Agency (ATMA)-a Project Director Lalchhuansangi bakah thawktu dang ten lo dawngsawngin Agriculture Department hmalakna hrang hrangte an lo hrilhfiah bakah thawktute nen hian an inkawm bawk a ni.

Serchhip-a Agriculture Complex tlawhtu zirlaite hian DAO Office tlawh hmasa berin Office-a hna an thawh dan hrang hrang hrilhfiah an ni a,hemi hnu hian Mini Dal Mill te, Ruahtui tlak dan an chhinchhiahna te, Thlai thar Metric Ton 5 zet dahthat theihna tur Cold Storage te, Hriak herna hmun Mini Oil Expeller Unit te, ranchaw herna hmun Mini Composite Feed Mill leh ATMA Office te tlawhin hrilhfiah nghal zel an ni bawk.