Sawrkar laipui atangin Scholarship tur dawn fel a ni

Zonuna Kawlni /

Ministry of Tribal Affairs chuan kum 2023-24 leh 2024-25 Financial Year a Scholarship la dawnglo te dawn tur pawisa chu nizan hmasa khan rawn pechhuakin nimin khan Finance Department chuan Treasury-ah an pechhuak nghal.

Hemi chungchanga sawrkar thuchhuah tarlan danin Ministry of Tribal Affairs atangin kum 2023-24 leh kum 2024-25 Scholarship sum tangkhang cheng vbc. 50.42 chu nizan hmasa khan State sum bawmah rawn dahluh niin he an sum lut leh State Matching Share cheng vbc. 5.60; a vaiin cheng vbc. 56.02 chu nimin khan Finance Department chuan Treasury atangin a pechhuak nghal a ni.

MZP General Hqrs. chuan nimin khan thuchhuah siam nghalin Scholarship la dawnglo te dawn tur State sawrkar in a dawng ta chu lawmawm an tih thu sawiin, hemi chungchang hi Scholarship Board hotute an sawipui reng thu te; Chief Minister hnenah pawh an thlen tawh thu leh College Students' Union leh MZU Students' Council ten Joint Meeting neiin Assembly Speaker pawh Department of Expenditure lam hotute pawh an biak bakah Lok Sabha MP te pawh an lo biak tawh thu an sawi a. Ministry of Tribal Affairs atanga SNA-SPARSH Exemption October ni 31, 2025 ralhma ngei a sem a nih theih nana hma latute zawng zawng chungah lawmthu an sawi a ni.

MZP chuan Scholarship a hun taka dawng lo zirlai harsatna tawk tam tak an awm tih an hriat avangin hma an lak reng thu leh October thla chhung ngeia an sem zawh theih nan hma an lak chhunzawm dawn thu an sawi a. Kum 2025-2026 chhunga Scholarship pawh a hun taka zirlaite'n an chanvo an dawn ngei theih nan Mizoram Scholarship Board (MSB) leh Sawrkar thuneitute hma la chhunzawm tura an ngen nghal thu an sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »