No Parking Area-ah puang

Serchhip Bazar-a hmun thenkhat chu lirthei dah phallohna hmun atan puan belh leh a ni. Hemi chungchanga Serchhip SP in thupek a tihchhuah ah Serchhip Kawnpui South VC huamchhunga awm Bazar area (Sa zawrhna lane) chu kawngpui insuihfinna lai (Junction) pawimawh a nih bakah a kawng a tet em avangin mipui leh lirthei he kawng hmangtute leh helaia dawr nei te him zawk nan R. Laldaihzauva In atanga Bazar hnuai kawngpui insuihfinna thleng, meter 25-a thui leh HT. Thanghmingliana (Tea) In atanga Chanmari Veng panna meter 30-a thui te chu lirthei dah phallohna hmun, No Parking Area atan puan a nih thu a tarlang a. He thupek hi karleh Thawhtanni, Oct. 13, 2025 atangin thu leh awm hma chu hman tur a ni ang.