MZP ten ILP chungchang ah hmalak an rel

Zonuna Kawlni (LENKAWL) • October 1, 2025 • Comments • Mizoram

Kum 2025-2027 chhunga Mizo Zirlai Pawl (MZP) General Hqrs. hruaitu thlanna neih a nih hnuah nimin khan Executive Meeting hmasa ber chu Aizawl-a MZP Conference Hall-ah neih a ni a. He Meeting hian Sairang Rel Station-a hnamdang lo luh dan endika tlawh thuai nise an ti a, ILP pawh Aizawl khawpui chhungah hun remchang hmasa berah enfiah nise an ti a. ILP pekchhuah a nih dan leh ILP kan hman danah te thil fel tawk lo tam tak a awm nia hriain, zirchianna neih ngei nise an ti bawk. heng bakah hian Zirlai harsate tanpuina tur Students' Aid Fund pawh a rang lama siam nise tiin, Student Aid Fund Rules leh Guidelines mumal tak siam a nih hunah zirlaiten an hman tangkai theih tura dil theih turin chhawpchhuah an rel a. MZP in a kum tin a lo buatsaih thin, Inter Higher Secondary School Volleyball Tournament chu October ni 14 - 17, 2025 chhunga neih an rel bawk.