Mizo infiammite ruihhlo laka fihlim turin chah

Zonuna Kawlni (LENKAWL) • October 6, 2025 • Comments • Mizoram

Agriculture & Farmers' Welfare Department changtu Minister P.C. Vanlalruata chuan Mizo infiammite chu ruihhlo a fihlim tur leh mahni inthunun thei turin a chah.

Agriculture Minister PC. Vanlalruata hian Inrinni zan khan Aizawl Mualpui-a Rajiv Gandhi Stadium-ah Aizawl District Football Association (ADFA) buatsaih ‘ADFA First Division League Final’ chu khuallian nia hmanpuiin infiam mite zinga hun a hmang thei chu lawmawm a tih thu a sawi a. Football chu khawvel pum huap pawha game ngaihhlut hlawh a nih thu leh Mizote chem kalna tak a nih bawk thute sawiin, infiammite chu theihtawp chhuah zel turin a chah a. Infiamna reng rengah mahni inthunun theihna leh ruihtheih thil laka fihlim te chu hlawh-tlinna bul a ni tih pawh sawiin, chung chu hre reng a, hlawhtlinna chang chho zel turin infiammite chu duhsakna a hlan a bawk a ni.

‘ADFA First Division League Final’ ah hian Ramthar Veng FC leh Ramhlun North FC te inhmachhawnin Ramthar Veng FC hian 2-1 a hnehin an Champion a, Final lut Team pahnih te Team pahnih te hi Season thar-a Mizoram Premier League (MPL) Qualifier khel turin an tling nghal bawk a ni.