FMD vaccine pe mek

Serchhip District-a AH&Vety Department chuan Serchhip District chhungah Ran ke leh ka na hri, Foot-and-Mouth Disease (FMD) vaccine pek hna an kalpui mek a, ranvulhtute chu lo ngai pawimawh turin an chah a ni.
Serchhip-a AH&Vety Department hotute chuan FMD Vaccine hi Bawng leh Sial-ah an pe ber tih sawiin, Lawi vulh an awm a nih chuan pek bawk tur a nih thu an sawi a, tun dinhmunah Department in an chhinchhiah danin Serchhip District-ah hian Bawng 624 leh Sial 655 a awm anga chhinchhiah a nih thu an sawi bawk.

Kumin ah Mizoram-in African Swine Fever (ASF) vanga harsatna a tawh thu pawh sawiin AH&Vety Department hotute chuan, tun thlengin Serchhip District bikah chuan he hri kai hi hmuh an la nih loh thu an sawi a. Chutihrual erawh chuan thenawm District thenkhat ah ASF hri hi hmuh a nih avangin mipuite chu khapna thupek siam te zawm zel tura an beisei thu an sawi bawk.